АМО – Х6

                               “АМО – Х6 ”  ХАЛААГУУРЫН ТАНИЛЦУУЛГА

          Цахилгаан халаагуураар халаахад гэр орон, хувцас хунар, биенд нүүрсний утааны үнэр шингээхгүй, үнс, тоос бургихгүй, мод, нүүрс бэлтгэх, гал түлэх г.м. ажиллагаагүй, дулаанаа хүний оролцоогүйгээр тогтмол барих тул гэр хөрчих болов уу? гэж санаа зовох асуудалгүй тохитой дулаан байдгаас гадна утаа гаргаж хүн, байгаль орчноо хордуулахгүй хосгүй сайн талтай.

          Манай улсад олон орны төрөл бүрийн халаалтын төхөөрөмжүүд нэвтэрч байна. Эдгээрээс ТЭН - н болон ЭЛЕКТРОД - т цахилгаан халаагуурууд зонхилдог.  Гэвч манайд цахилгаанаар гэр орноо халаахад ашиглалтын зардал өндөр тусдаг, цахилгаан сүлжээний бүтэц, хүчин чадал бүх айлыг, тэр тусмаа гэр хорооллынхныг  найдвартай хангаж чадахгүй байгаа тул цахилгааны хэмнэлтэй халаалтын төхөөрөмжүүд бидэнд нэн тэргүүнд шаардлагатай байна.

          Шинжлэх Ухаан Технологийн шинэ ололтонд тулгуурлан бүтээсэн “ АМО – Х6 ” халаалтын төхөөрөмж нь шингэнд агуулагдах нуугмал эрчим хүч / нэг төрлийн шингэний 2 төлвийг зэрэг үүсгэж улмаар нам даралтанд оруулахад ялгардаг / - ийг халаалтанд ашигласнаар ТЭН – н болон ЭЛЕКТРОД -т халаагуураас 50% илүү дулаан боловсруулдаг. Өөрөөр хэлбэл, ТЭН – н халаагуур / гадаа – 32 С байхад  / 1кВт цахилгаанаар 64см зузаан тоосгон ханатай байрны 10кв.м ( 30 шоо. м) талбайг халаадаг бол “ АМО – Х6 “ халаагуур нь 1кВт цахилгаанаар 15кв.м. талбайг ( 45шоо.м) халаана.

          ШУА – аас 60кв.м талбай бүхий амины сууцыг  6кВт/ц чадалтай ТЭН – н халаагуур болон нүүрсээр халааж туршсан судалгааны харьцуулсан дүнг хүснэгтээр харуулав.

                                                                                   /  1кВт цахилгааныг 74₮ гэж тооцов /

Эрчмийн хэрэглээ	нэгж		сарууд					бүгд
			11	12	1	2	3
цахилгаан
Цахилгааны хэрэглээ	Хо-ногт	кВт.ц/х	96	144	144	144	96
Өртөг		төг	7104	10656	10656	10656	7104
Цахилгааны хэрэглээ	сард	кВт.ц/с	2880	4320	4320	4320	2880	18720
Өртөг		төг	213120	319680	319680	319680	213120	1385280
Нөт		төг	21312	31968	31968	31968	21312	138528
Бүгд		төг	234531	351648	351648	351648	234531	1523808
Нүүрс
Нүүрсний хэрэглээ	Хо-ногт	кг	25	40	40	40	25
өртөг		төг	2500	4200	4200	4200	2500
Нүүрсний хэрэглээ	Сард	кг	750	1200	1200	1200	750	5100
өртөг		төг	75000	120000	120000	120000	75000	510000
Цахилг. - нүүрсний өртөгийн зөрүү	сард	төг	159531	231648	231648	231648	159531	1013808

             Ийм 60кв.м байрыг “АМО–Х3“ халаагуураар халаахад  60кв.м :15кв.м = 4кВт/ц                цахилгаан хэрэглэнэ.

Эрчмийн хэрэглээ	нэгж		сарууд					бүгд
			11	12	1	2	3
цахилгаан
Цахилгааны хэрэглээ	Хо-ногт	кВт.ц/х	64	96	96	96	64	416
Өртөг		төг	4736	7104	7104	7104	4736	30784
Цахилгааны хэрэглээ	сард	кВт.ц/с	1920	2880	2880	2880	1920	12480
Өртөг		төг	142080	213120	213120	213120	142080	923520
Нөт		төг	14208	21312	21312	21312	14208	92352
Бүгд		төг	156288	234531	234531	234531	156288	1015872
Цахилг. - нүүрсний өртөгийн зөрүү	сард	төг	81288	114531	114531	114531	81288	505872

Энэ нь ТЭН – н халаагуураар халааснаас 1523808₮ - 1015872₮ = 507936₮ хэмнэж харин нүүрс түлснээс 505872₮ илүү зардалтай байна.

       Манай улсын засгийн газар нийслэлээ утаагүй, гэр хорооллын айл өрхийг тохилог дулаан, утаа, үнс, хоггүй орчинд амьдруулах талаар олон арга хэмжээ авч эхэллээ.  

       2011.11.02–ны засгийн газрын хуралдаанаар “Нийслэлийн агаарын чанарыг сайжруулах бүсийн айл өрхөд цахилгааны үнийн урамшуулал олгох журам” – ыг батлав. Энэ журамд цахилгаан халаагуур хэрэглэж байгаа өрхөд хүйтний улирлын үргэлжлэх хугацаа /11, 12, 1, 2, 3 сар /- нд цахилгааны шөнийн тарифыг мөрдөгдөх хугацаа / цахилгааны шөнийн хэрэглээний цагийг оройн 18 цагаас өглөөний 09 цаг хүртэл / - тай уялдуулан 50% бууруулахаар болов.

     Энэ журмын дагуу хүйтний улиралд та ТЭН-н халаагуур хэрэглэвэл 18720 цагийн 58% буюу 10858 цагт хэрэглэх цахилгааны үнийн 50% болох 10858х74₮=803492₮-ийг / НӨТ-тэйгөө 883841₮ / хөнгөвчилсөн нөхцөлд 1523808₮-883841₮=639967₮-өөр 60кв.м байр халаах болно. Харин “АМО-Х6”  - аар халаахад та бүх ажиллах 12480 цагийн 58% буюу 7238 цагт хэрэглэх цахилгааны үнийн 50% болох 7238х74₮=535612₮-ийг / НӨТ-тэйгөө 589173₮ / хөнгөвчилсөн нөхцөлд 1015873-589173=426699₮ төлөх болно. Энэ харьцуулалтаас харахад  “АМО-Х6” халаагуур тавьснаар халаалтын улиралд нүүрс хэрэглэснээс / 426699-510000=-83301₮ / 83301₮ бага зардалаар гэрээ тохитой дулаан байлгах болно.

“АМО-Х6” халаагуур нь 1,2 сая ₮ - ийн үнэтэй ч та халаалтын 2 улиралд өртгөө нөхнө.  

    Бидний тухай

                          

             Манай  “ ШИНЭ ЗУУН – ЭРЧИМ ХҮЧ “ сан ТББ нь эдийн засгийн хэмнэлтэй, байгаль орчин, хүнд хоргүй, гэр орон, байр сууцыг халаах халаалтын төхөөрөмж, жижиг оврын цахилгааны үүсгүүр, тоног төхөөрөмж бүтээж үйлдвэрлэн хүн арддаа түгээх зорилготой 2008 онд байгуулагдсан.

          Өнгөрсөн хугацаанд галладаг айл өрхөд зориулан эдийн засгийн хэмнэлтэй, байгаль орчинд хоргүй зуух, халаалтын төхөөрөмж бүтээх талаар судалгаа хийж  хэд хэдэн загвар бүтээж туршисан ба заримыг нь үйлдвэрлэлд шилжүүлэхэд бэлэн болгоод байна. Үүнд :

А.  ШУ - ы дэвшилттэй ололтод тулгуурласан “ ДУЛААНЫ ЭРЧЛҮҮРТ ҮҮСГҮҮР “ “vortex heat generator” бүтээхээр 2005 онд эхэлсэн судалгааны ажилдаа тулгуурлан хэдэн загвар хийж туршив. Сүүлийн загварууд нь бусад ТЭН – эн халаагуурудаас 60% илүү дулаан боловсруулдаг.

      УЛСЫН МЭРГЭЖЛИЙН ХЯНАЛТЫН ГАЗАР, “ ЭРЧИМ ХҮЧНИЙ ГАЗАР “, ЭХИС зэрэг байгууллагууд ДЭҮ – ийн ашиглалт, үйл ажиллагааны байдалд үзлэг, туршилт хийж  ирүүлсэн техникийн дүгнэлтэндээ “ ... төхөөрөмжийг зарчмын хувьд дулаан үйлдвэрлэж орон байр, барилгыг халаах боломжтой ...байгаль орчинд хорт хий ялгаруулахгүй, харьцангуй бага энерги зарцуулдаг бөгөөд бага, дунд оврын барилга дулаацуулахаар ашиглахад илүү тохиромжтой ...” гэж тодорхойлов. 

 Б.  ДЭҮ нь зөвхөн 380в – оор ажилладаг, дуу чимээтэй тул гарааж, үйлдвэрийн байр, хүлэмж, агуулах зэрэг томхон объектуудыг халаахад их зохимжтой. Харин  бага талбайтай  амины орон сууц, гэрийн халаалтанд ашиглахад тохиромжгүй байсан тул бид  220в – оор ажилладаг, эдийн засгийн хэмнэлтэй, ашиглахад хялбар “АМО-Х6” халаагуурыг бүтээв.

В.  Манай айл өрх зуухандаа бүгд нүүрс түлдэг. Нүүрсээ асаахдаа их хэмжээний мод хэрэглэж байна. Байгалийн үнэт баялаг болсон модны хэрэглээг багасгахаар нүүрс асаах “ ОЧ “ гал ноцоогуур хийж туршиж дуусгаад үйлдвэрлэх боломжтойг тогтоогоод байна. 

                            “ШИНЭ ЗУУН - ЭРЧИМ ХҮЧ” сан ТББ                  утас: 99145647